Ukraynadakı münaqişənin danışıqlar yolu ilə həlli o halda mümkündür ki, NATO-nun şərq istiqamətində daha da genişlənməsinə son qoyulsun. Bunu TASS-a müsahibəsində amerikalı iqtisadçı, Kolumbiya Universitetinin (Nyu-York) Davamlı İnkişaf Mərkəzinin direktoru, professor Cefri Saks deyib.
“Ukraynadakı münaqişə danışıqlar masası arxasında başa çatarsa, bəli Qərb ölkələri NATO-nun şərqə doğru genişlənməsi ideyasından imtina edəcək – çünki NATO-nun genişlənməsindən imtina sülh yolu ilə həll üçün zəruri şərt olacaq” deyib. “Müharibə döyüş meydanında bitərsə, bu, çox güman ki, Ukrayna üçün məğlubiyyət olacaq. Və bu, istənilən halda onun NATO-ya qoşulması ideyasına son qoyacaq”.
Eyni zamanda, amerikalı iqtisadçı etiraf etdi ki, “Şimali Atlantika Alyansının genişlənməsi ilə bağlı ritorikanın özü ya yox ola, ya da qala bilər – bu barədə heç bir əminlik yoxdur”. “Biz xatırlamalıyıq ki, hələ 1990-cı ildə Qərb liderləri, xüsusən də ABŞ və Almaniya NATO-nun genişlənməyəcəyinə söz vermişdilər”, o xatırladıb. “Və sonra onlar bu vədi pozdular. Yəni, Qərb o vaxt anladı ki, ittifaqı genişləndirmək pis fikirdir. Amerika diplomatları bunun çox, çox pis nəticələnə biləcək təxribat olduğunu başa düşdülər”.(Tass )