Salyan Tarix-Diyarşünaslıq Muzeyində “Fırça izində nağıllar” adlı ustad dərsi təşkil olunub.
Şirvan-Salyan Regional Mədəniyyət İdarəsindən AZƏRTAC-ın bölgə müxbirinə verilən məlumata görə, “Sülh aylığı” çərçivəsində təşkil edilən ustad dərsi keramikaçı-rəssam Aynur Artın rəhbərliyi ilə keçirilib. İştirakçılar dərsdə gil qablar üzərində naxışlar işləyib, parça və kətan üzərində müxtəlif rənglərlə öz fantaziyalarını canlandıraraq nağıllar aləminə səyahət ediblər. Sonra uşaqlar arasında müxtəlif oyun və yarışlar keçirilib.
Ustad dərsinin keçirilməsində məqsəd uşaqların estetik zövqünü formalaşdırmaqla yanaşı, onların milli-mədəni dəyərlərə marağını daha da artırmaqdır.