Aktyor Azər Qurbanov vəfat edib.
Bu barədə APA-ya ssenarist, Əməkdar mədəniyyət işçisi Yusif Şeyxov məlumat verib.
“Biz Azər Qurbanovla “Facebook” vasitəsilə danışırdıq. Dünən gecə onun messengerindən oğlu mənə yazdı. Bildirdi ki, atası 4 həftə əvvəl xəstəlikdən vəfat edib”, – Yusif Şeyxov deyib.
O, aktyorun uzun müddətdir onkoloji xəstəlikdən əziyyət çəkdiyini vurğulayıb.
Qeyd edək ki, Azər Qurbanov daha çox “Sehirli xalat” filmindəki Rəşid rolu ilə məşhurdur. O, uzun müddətdir ki, ABŞ-da yaşayırdı.