İslam İnqilabı Keşikçiləri Korpusunun (SEPAH, İran Silahlı Qüvvələrinin elit bölmələri) komandanlığı Suriyada bir qrup hərbi məsləhətçiyə rəhbərlik edən və Suriyada partlayış nəticəsində həlak olan general Rza Musəvinin qətlinə görə İsraildən qisas alacağına söz verib.
“İşğalçı İsrail rejimi bu cinayətin əvəzini mütləq ödəyəcək”, – SEPAH ” Al Mayadeen” telekanalı tərəfindən yayımlanan bəyanatda deyilir.
Bəyanatda deyilir: “İran xalqı bu itki üçün yas tutur; General Musəvi İsrailin hava hücumu zamanı qəhrəmancasına həlak olub”.
Bundan əvvəl İranın Təsnim agentliyi general Musəvinin Suriya paytaxtının cənubundakı şiələrin yaşadığı Seyidə Zeynəb bölgəsinə İsrail hərbi hava qüvvələrinin hücumu nəticəsində öldürüldüyünü bildirib. (Tass)