Fransa prezidenti Emmanuel Makron avqustun 29-da Serbiyaya iki günlük səfər edəcək. Bu barədə Serbiya lideri Aleksandr Vuçiçin mətbuat xidməti məlumat yayıb.
“Serbiya Respublikasının Prezidenti Aleksandr Vuçiç 29 və 30 avqust 2024-cü il tarixlərində Serbiya Respublikasına rəsmi səfər edəcək Fransa Respublikasının Prezidenti Emmanuel Makronu qəbul edəcək”, – deyə məlumatda bildirilir.
Mətbuat xidmətinin məlumatına görə, Fransa liderinin iştirakı ilə keçiriləcək tədbirləri işıqlandırmaq üçün “əhəmiyyətli marağa görə” yalnız məhdud sayda media nümayəndələrinə icazə veriləcək. Səfər proqramı Makronun gəliş tarixinə yaxın akkreditə olunmuş jurnalistlərə paylanacaq.
Fransa prezidentinin avqustun 29-30-da Serbiyaya səfəri barədə daha əvvəl Yelisey sarayına istinadən AFP məlumat yayıb. (Tass)