İsrailin Belqraddakı səfirliyi yaxınlığında Serbiya Daxili İşlər Nazirliyinin əməkdaşını yaralayan terrorçunun şəriki olduğu ehtimal edilən şəxs saxlanılıb. Bu barədə Serbiyanın daxili işlər naziri İvitsa Daçiç məlumat verib.
“Belqradda bir nəfər terrorçuluqda şübhəli bilinərək saxlanılıb. Söhbət 1999-cu ildə Belqradda anadan olmuş İqor Despotoviçdən gedir”, – deyə nazir Daxili İşlər Nazirliyinin saytında məlumat yayıb . O əlavə edib ki, Despotoviç “iki il əvvəl internetdə cihada çağırış edən bir neçə qrupa rəhbərlik etdiyi üçün artıq saxlanılıb”.
Saxlanılan şəxsin terrorçu ilə gündəlik əlaqədə olduğu və buna görə də onun terror aktının maddi-texniki təminatı və təşkilində bilavasitə iştirak etdiyinə dair şübhələr var. (Tass,)