Serbiyanın paytaxtında dekabrın 18-dən etibarən hər gün keçirilən etiraz aksiyaları dayandırılacaq. Bunu müxalifətin “Serbiya zorakılığa qarşı” koalisiyasının nümayəndələrindən biri, parlamentin deputatı Miroslav Aleksiç deyib.
“Respublika Seçki Komissiyasında daha etiraz olmayacaq”, – N1 telekanalı Aleksiçdən sitat gətirib. O qeyd edib ki, bu hərəkətlər “artıq mənasızdır”.
“Biz vaxtaşırı [bugünkü kimi] böyük görüşlər təşkil edəcəyik”, – deyə müxalifətçi bildirib. (Tass)