Qazaxıstanın Müdafiə Nazirliyi Şanxay Əməkdaşlıq Təşkilatının (ŞƏT) sammiti zamanı paytaxtın hava məkanının təhlükəsizliyini gücləndirəcək. Bu barədə idarənin mətbuat xidməti məlumat yayıb.
“2024-cü il iyulun 3-4-də ŞƏT-in Astanada keçiriləcək sammiti zamanı paytaxt üzərində hava sərhədlərinin mühafizəsi gücləndiriləcək Sakinlərdən və qonaqlardan xahiş edirik ki, baş verən hadisələrə anlayışla yanaşsınlar”.
İyulun 4-də Astanada Müstəqillik Sarayında Şanxay Əməkdaşlıq Təşkilatının sammiti keçiriləcək. ŞƏT-in baş katibi Zhang Ming-in oraya səfəri gözlənilir. Bundan əlavə, BMT-nin baş katibi Antonio Quterreş və bir sıra beynəlxalq təşkilatların rəhbərləri görüşə dəvət olunub. (Tass)