Seulda Milli Assambleyanın yerləşdiyi Yeouido rayonunda Koreya Respublikası prezidentinin istefası tələbi ilə keçirilən aksiyada 150 minə yaxın insan iştirak edir. Bu barədə Yonhap agentliyi məlumat yayıb.
Agentliyin polis mənbələrinin məlumatına görə, saat 17:30-a ( Bakı vaxtı ilə 12:30) 149 min insan parlamentin qarşısına toplaşıb. Təşkilatçılar, o cümlədən Koreya Həmkarlar İttifaqları Konfederasiyası (KCTU) iştirakçıların sayını 1 milyon nəfər hesab edir.
Paytaxtın mərkəzindəki Qvanqvamun meydanı yaxınlığında mühafizəkar qrupların prezidenti dəstəkləyən paralel mitinqi keçirilir. Yonhap mənbələrinə görə, iştirakçıların sayı 20 min nəfərə çatır. Eyni zamanda təşkilatçılar 1 milyon insanın dövlət başçısını dəstəkləmək üçün küçələrə çıxdığını iddia edirlər. (Tass)