İraqın İslami Müqavimətinə aid şiə silahlı dəstələrinin döyüşçüləri ABŞ-ın İraqın Ənbar əyalətindəki Ayn əl-Əsəd hərbi bazasına hücum etmək üçün pilotsuz uçuş aparatlarından istifadə ediblər. Bu barədə hərəkatın nümayəndəsi Shafaq News xəbər portalına məlumat verib.
Onun sözlərinə görə, hücumda “yer hədəflərini vuran iki pilotsuz uçan aparat iştirak edib”.
Bir müddət əvvəl Pentaqonun yüksək rütbəli rəsmisi ABŞ Hərbi Hava Qüvvələrinə məxsus iki F-16 qırıcısının Suriyada İslam İnqilabı Keşikçiləri Korpusuna (İİKK, İran silahlı qüvvələrinin elit bölmələri) aid silah və sursat anbarlarına hava zərbələri endirib. O qeyd edib ki, ABŞ hava hücumlarını İsrail ordusunun Baş Qərargahı ilə əlaqələndirməyib. Rəsmi bildirib ki, oktyabrın 17-dən indiyədək İraq və Suriyada Amerika hərbçilərinə qarşı 19 kamikadze dron hücumu həyata keçirilib. Suriya ərazisində 900-ə yaxın, İraqda isə 2,5 min amerikalı əsgər yerləşdirilib. (Tass)