Polşa münaqişə bitdikdən sonra potensial sülhməramlı missiya üçün Ukraynaya qoşunlarını göndərməyəcək, lakin bunu edən ölkələrə dəstək verəcək. Bu barədə Polşa Xarici İşlər Nazirliyinin rəhbəri Radoslav Sikorski bildirib.
“Polşa Ukraynaya sülhməramlı missiyanın bir hissəsi kimi qoşun göndərməyəcək”, – deyə Sikorski 2025-ci ildə respublikanın xarici siyasət hədəfləri haqqında Seymdə (Polşa parlamentinin aşağı palatası) məruzəsi zamanı bildirib; Onun çıxışı TVP İnfo telekanalı tərəfindən yayımlanıb . “Lakin Polşa bu missiyaya dəstək verəcək”, – diplomat əlavə edib.
Bu, Polşa hakimiyyətinin öz hərbi personalını Ukraynaya göndərmək istəmədiyini ilk dəfə deyil. Belə ki, martın 20-də Sikorski qeyd edib ki, Polşanın rolu qondarma sülhməramlı kontingent üçün “lojistik səyləri dəstəkləməkdən ibarət olacaq” və onlar qoşun göndərməyi “hesab etmirlər”. (Tass)