Şimal bölgəsində fəaliyyət göstərən ümumtəhsil məktəblərindən 4673 şagird respublika fənn olimpiadalarında iştirak üçün qeydiyyatdan keçib.
AZƏRTAC-ın bölgə müxbiri xəbər verir ki, Quba-Xaçmaz Regional Təhsil İdarəsi üzrə Qubadan 1534, Xaçmazdan 1114, Qusardan 866, Siyəzəndən 621, Şabrandan isə 538 şagird fənn olimpiadalarında biliyini sınayacaq.
Respublika fənn olimpiadalarının rayon (şəhər) mərhələsi informatika fənni üzrə VIII-IX siniflər üçün 16 dekabrda, X-XI siniflər üçün dekabrın 17-də, digər fənlər üzrə isə dekabrın 24-də əvvəlcədən müəyyənləşdirilmiş mərkəzlərdə keçiriləcək.