Şimali Koreya taktiki nüvə silahlarının yaradılmasının son mərhələsindədir, baxmayaraq ki, onların yerləşdirilməsi hələ ki, təsdiqlənməyib. Bu barədə Cənubi Koreya Müdafiə Nazirliyinin rəhbəri Şin Von-sik “Yomiuri” qəzetinə müsahibəsində bildirib.
O, Pxenyanın bu cür silahlarının Cənubi Koreya və Yaponiya üçün ümumi təhlükə yaratdığını qeyd edərək, “Faktiki yerləşdirmə təsdiqlənməyib, lakin onlar [taktiki nüvə silahı] inkişafının son mərhələsindədir” deyib.
“Taktiki nüvə silahlarının diapazonu Yaponiyada ABŞ hərbi bazalarının yerləşdiyi ərazilərə təsir edir. Şimali Koreya fövqəladə vəziyyətdə nüvə silahından istifadə etməyə cəhd edə bilər”, – o əlavə edib. (Tass)