Çinin Qırğızıstan sərhədində, Sincan-Uyğur Muxtar Bölgəsinin Vuşi rayonunda baş verən 7,1 bal gücündə zəlzələnin balansı bəlli olur. Çinin rəsmi xəbər agentliyinin verdiyi açıqlamada Akqi rayonunda evlərin uçması nəticəsində 3 nəfərin öldüyü, 5 nəfərin yaralandığı bildirilib.
Bölgədə axtarış-xilasetmə işləri davam edərkən, Sincan-Uyğur Muxtar Bölgəsində dəmir yolu xidmətlərinin dayandırıldığı, 27 qatarda nasazlıq və ziyanın olduğu bildirilib. Zəlzələnin episentri ətrafındakı bölgədə zəlzələdən zərər çəkən 12 min 426 nəfərin təxliyə edildiyi qeyd edilib.
Çin Zəlzələ Şəbəkələri Mərkəzinin məlumatına görə, yerli vaxtla saat 02.09-da Uşi rayonunda 22 kilometr dərinlikdə qeydə alınan zəlzələ Çinlə sərhəddə yerləşən Qırğızıstan, Tacikistan, Qazaxıstan və Özbəkistanda da hiss olunub. Qırğızıstan zəlzələdə can itkisinin olmadığını açıqlasa da, Qazaxıstan Səhiyyə Nazirliyi 44 nəfərin yaralandığını açıqlayıb.