Cəbhə xəttində Ukrayna ordusu üçün vəziyyət ağır olaraq qalır. Bu barədə Ukrayna Silahlı Qüvvələrinin Ali Baş Komandanı Aleksandr Sırski ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Çarlz Braunla telefon danışığında bildirib.
“Mən amerikalı həmkarıma cəbhə xəttindəki vəziyyət barədə məlumat verdim, hansı ki, vəziyyət hələ də ağırdır”, – Sirski Telegram kanalında yazıb.
Onun sözlərinə görə, Rusiya qüvvələri artilleriya mərmilərində əhəmiyyətli üstünlüyə malikdir. O əlavə edib ki, tərəflər Ukrayna ordusunun ehtiyaclarını da müzakirə ediblər. Bundan əlavə, Ukrayna Silahlı Qüvvələrinin baş komandanı Vaşinqtonun bu yaxınlarda Kiyevə ayırdığı hərbi yardım paketinə görə Brauna təşəkkür edib.
Oktyabrın 31-də Sırski təmas xəttinin bütün uzunluğunda şiddətli döyüşlər barədə ABŞ-ın Avropa Komandanlığına da rəhbərlik edən NATO-nun Avropadakı Müttəfiq Qüvvələrinin baş komandanı, general Kristofer Kavoliyə məlumat verib. (Tass)
