Şirvan-Salyan Regional Təhsil İdarəsinin təşkilatçılığı ilə diaqnostik qiymətləndirməyə cəlb olunacaq məktəbəqədər təhsil müəssisələrində çalışan tərbiyəçi-müəllimlərin İKT savadlılığının artırılması məqsədilə təlimlər başlayıb.“Report”un Muğan bürosunun məlumatına görə, təlimlərə bütün məktəbəqədər təhsil müəssisələrinin tərbiyəçi-müəllimləri cəlb edilib.Təlim zamanı müdavimlərə ilkin İKT bilikləri və onlardan gündəlik həyatda effektiv istifadə bacarıqları öyrədilir.Ümumilikdə, təlimlər Şirvan-Salyan Regional Təhsil İdarəsinin əhatə etdiyi bütün rayonlarda təşkil olunub.