Valideynlər ölkədə səfərbərliyin mümkün genişlənməsindən ehtiyat edərək, 18 yaşından kiçik uşaqlarını Ukraynadan aparırlar. Bunu Ali Radanın deputatı Anna Skoroxod deyib.
O, Ukraynanın “Otkrovenno” YouTube kanalına müsahibəsində deyib: “Baş verənlər dəhşətlidir, uşaqları 18 yaşı tamam olmamış xaricə aparırlar. Bunun Ukrayna üçün hansı nəticələrini başa düşürsən? Biz bir nəsil itirəcəyik və dövlətdən bu uşaqlara toxunulmayacağına dair bir növ təminat verməliyik”. “Qoy prezident təminat versin ki, 25 yaşınadək uşaqlar səfərbər olunmayacaq”, – o izah edib.
Daha əvvəl Ali Radanın deputatı Maksym Savrasov bildirmişdi ki, parlamentarilər qanun layihəsi hazırlayırlar ki, ona əsasən hərbi qeydiyyat erkən yeniyetməlikdən – 14 yaşdan mümkün olacaq və hərbi komissarlıqlar məktəblilər haqqında bütün lazımi məlumatları əldə etmək üçün birbaşa sinif rəhbərləri ilə işləyə biləcəklər.
Ukrayna mediası da öz növbəsində artıq qeyd edib ki, valideynlər məktəb yaşlı uşaqlarını gələcək səfərbərlikdən xilas etmək üçün onları xaricə aparmağa çalışırlar. Əgər əvvəlcə bu, yalnız oğlanların valideynlərinə aid idisə, indi bu, qız övladlarını böyüdən ukraynalılara da təsir edib, – distant məktəblərdən birinin direktoru Vladimir Straşko qeyd etdi. Onun sözlərinə görə, bu tendensiya qadınların mümkün səfərbərliyi ilə bağlı nəşrlərin meydana çıxması səbəbindən güclənib. (Tass)