Sloveniya Xarici İşlər Nazirliyi Yaxın Şərqdə vəziyyətin pisləşməsi ilə əlaqədar ölkə vətəndaşlarını Livanı tərk etməyə çağırıb. Agentlik həmçinin sloveniyalılara İsrail və İrana bütün səfərlərini təxirə salmağı tövsiyə edir.
“Livandakı ciddi təhlükəsizlik vəziyyətinə görə, Sloveniya vətəndaşlarına ölkəni tərk etmək tövsiyə olunur, Livanda vəziyyət qeyri-sabitdir, gərginlik yüksəkdir, vəziyyət sürətlə və qəfil gərginləşə bilər”, – XİN-in bəyanatında deyilir.
Respublika Xarici İşlər Nazirliyi həmçinin vətəndaşlara “son hadisələr və qəfil eskalasiya təhlükəsi səbəbindən” İrana bütün səfərlərini təxirə salmağı tövsiyə edib və həmçinin “təhlükəsizlik baxımından” İsrailə səfər etməməyə çağırıb. Sloveniya Xarici İşlər Nazirliyi Livana ən yüksək, qara təhlükə kodunu təyin edib. İsrail “ən yüksək ehtiyatlılıq dərəcəsini” simvolizə edən qırmızı rənglə, İran isə narıncı rənglə işarələnib və bu, yüksək səviyyəli təhlükədən xəbər verir. (Tass)