Almaniya hələ Fələstini dövlət kimi tanımağa hazır deyil. Bunu Almaniya kansleri Olaf Şolz Portuqaliyanın baş naziri Luis Monteneqro ilə birgə mətbuat konfransında deyib.
“Mənim nöqteyi-nəzərimə görə, bizim indi Fələstini ayrıca dövlət kimi tanımaq üçün heç bir əsasımız yoxdur”, – Şolz bildirib. “Dövlətin ərazisi və bununla bağlı bütün digər məsələlərlə bağlı heç bir aydınlıq yoxdur”, o əlavə edib. Eyni zamanda, kansler qeyd edib ki, hazırda İsrail və Fələstin arasında danışıqlar yolu ilə həll yolu lazımdır ki, bu da iki dövlət əsasında nizamlanmaya gətirib çıxaracaq.
Onun sözlərinə görə, “dövlətçiliyin simvolik tanınması yolu heç bir yerə aparmır”. (Tass)