Almaniya kansleri Olaf Şolz WikiLeaks-in qurucusu Culian Assancın Böyük Britaniyadan ABŞ-a ekstradisiyasına qarşı çıxıb.
“Məncə, Britaniya məhkəmələri onu lazımi müdafiə ilə təmin etsəydilər, yaxşı olardı, çünki o, Amerikanın dövlət sirlərini açıqladığına görə ABŞ-da təqiblərlə üzləşir”, – Almaniya hökumətinin başçısı Almaniyanın cənub-qərbindəki Sindelfingen şəhərinə səfər zamanı deyib.
Assange Birləşmiş Ştatlarda Amerika tarixində ən böyük məxfi məlumatların açıqlanması ilə bağlı cinayətlərdə ittiham olunur. Ona qarşı irəli sürülən ittihamların cəminə əsasən, onu 175 il həbs gözləyir. (Tass)