Almaniya kansleri Olaf Şolz bəyan edib ki, Rusiyanın Ukraynadakı münaqişənin həlli üçün sülh danışıqlarında iştirakına yalnız Kiyevdəki hakimiyyət qərar verməlidir. O, bu barədə Ukrayna prezidenti Vladimir Zelenski ilə birgə mətbuat konfransında bildirib.
Scholz qeyd edib ki, Bürgenstok konfransında “bir gün Rusiyanın danışıqlar masası arxasında olacağı bir prosesin başlanğıcına gedən yolu müəyyən etmək mümkün ola bilər”. “Bunun üçün vaxt yetişəndə yalnız Ukrayna qərar verə bilər”, – kansler hesab edir. O, Almaniyanın Kiyevə dəstəyini dayandırmayacağına inandırıb.
İsveçrə hakimiyyəti iyunun 15-16-da Bürgenstok kurortunda Ukrayna ilə bağlı konfrans keçirməyi planlaşdırır. İsveçrə Xarici İşlər Nazirliyi daha əvvəl bildirmişdi ki, 90-a yaxın ölkədən, o cümlədən Yeddilik Qrupu, İyirmilik Qrupu və BRİKS ölkələrindən nümayəndə heyətləri qeydiyyatdan keçib. İsveçrə hakimiyyət orqanlarının məlumatına görə, Rusiya Federasiyası bu görüşə dəvət olunanlar arasında yoxdur. (Tass)
