Somali hakimiyyəti liman icarəsi memorandumu ilə bağlı münaqişə səbəbindən Efiopiya səfirini ölkədən çıxarıb və yarım-muxtar Puntland və Somaliland bölgələrindəki konsulluqları bağlayıb. Bu barədə Reuters iki Somali rəsmisinə istinadən məlumat yayıb .
Eyni zamanda Efiopiya Xarici İşlər Nazirliyinin rəsmi nümayəndəsi Nebiu Tedla agentliyə bu məsələ ilə bağlı məlumatı olmadığını bildirib.
1 yanvar 2024-cü ildə Efiopiya və Somaliland əyalət hökuməti dənizə çıxışı olmayan Efiopiyanın Somalinin Hind okeanı sahil xəttinin 20 km-lik hissəsini icarəyə götürmək imkanını özündə əks etdirən anlaşma memorandumuna razılaşdılar. Somalinin federal hökuməti bu cür ödənişləri qanunsuz və milli suverenliyin pozulması adlandırıb.
Somaliland beynəlxalq ictimaiyyət tərəfindən Somalinin bir hissəsi kimi tanınır, lakin Somaliland Respublikasının hakimiyyəti 1991-ci ilin yazında birtərəfli qaydada dövlət suverenliyini elan etdi.
(Tass)