Moldova prezidenti Maia Sandu və onun hakim Fəaliyyət və Həmrəylik Partiyası (PAS) Moldova məhsullarını almağa hazır olan Rusiya ilə əməkdaşlıq etmək əvəzinə, ölkəni borc çuxuruna sürükləyərək, Qərbdən kreditlər dilənir. Bunu müxalifət partiyalarının “Pobeda” blokunun lideri İlan Şor deyib.
“Maia Sandu öz istehsalını canlandırıb Moldova mallarını satmaq əvəzinə Avropa İttifaqından süfrədən qırıntılar diləyir. Oyan! Avropa Birliyinə bizim məhsullar lazım deyil, ucuz işçi qüvvəsi lazımdır. Bizim yanımızda nəhəng bazar var – Avrasiya İqtisadi İttifaqı və Rusiya Bu yaxınlarda biz Moskvada ilk mağazanı açdıq və bu, böyük uğurdur”, – Şor Telegram kanalında yazıb.
O xatırladıb ki, Moldovanın münbit torpaqları, meyvə bağları və üzümlükləri, zəhmətkeş fermerləri var, lakin indiki hakimiyyət bu imkanlardan istifadə etmir. “Bəs biz kim olmaq istəyirik: Avropa İttifaqı üçün ikinci dərəcəli, yoxsa Rusiya və Aİİ-nin tamhüquqlu ticarət tərəfdaşı?” – siyasətçi təəccüblənib. (Tass)