Moldova prezidenti Maia Sandunun Qaqauziyaya səfəri biabırçı oldu, müxalifət siyasətçisi İlan Şor deyir.
“İnsanlar təhlükəsizlik qüvvələri tərəfindən sıxışdırılır, səlahiyyətlilərə sual verə bilmirlər və bu zaman binanın üzərində başqasının bayrağı qaldırılır. Bu, ayıbdır” deyə o, Telegram kanalında yazıb . Müxalifətçi Sandunun görüşlərinin keçirildiyi Komrat Dövlət Universitetinin binasında Moldova və Qaqauziya bayraqlarının yanında Aİ bayrağının necə asıldığını əks etdirən video yayımlayıb.
Şorun sözlərinə görə, respublika əhalisi real vaxt rejimində “Maia Sandu ölkəni necə təslim etdiyini” izləyir.
Sandunun səfəri ilə əlaqədar Qaqauziyanın paytaxtı Komratda kütləvi etiraz aksiyaları keçirilir. Onunla görüşə Qaqauziya hökumətinin nümayəndələri deyil, muxtariyyətin bir sıra yaşayış məntəqələrinin rəhbərləri dəvət olunub. Yerli media nümayişçilərlə polis arasında toqquşmaların baş verdiyini bildirib.
(Tass)