Qan tökülməsinə son qoyulması və müstəqil Fələstin dövlətinin yaradılması Yaxın Şərqdə uzunmüddətli sülhün açarı olacaq. Bunu Rusiya Federasiyası Təhlükəsizlik Şurasının katibi Sergey Şoyqu Braziliyanın paytaxtında keçirilən BRİKS ölkələrinin təhlükəsizlik məsələlərinə nəzarət edən yüksək nümayəndələrinin iclasının 2-ci sessiyasında videomüraciətində deyib.
“Biz əminik ki, Fələstin-İsrail münaqişəsi zonasında vəziyyətin yaxşılaşdırılmasının açarı qan tökülməsini dayandırmaq və onun hamılıqla qəbul edilmiş beynəlxalq hüquqi əsasda siyasi və diplomatik həllinə şərait yaratmaqdır. Əsas məsələ ondan ibarətdir ki, tarixi ədalətsizlik düzəldilməlidir – müstəqil Fələstin dövləti yaradılmalıdır. Yalnız bu, Yaxın Şərqdə uzunmüddətli sülhə zəmanət verə bilməz”, – o bildirib. (Tass)