ABŞ Konqresinin Nümayəndələr Palatasının spikeri respublikaçı Mayk Conson Fələstinə dəstək məqsədilə keçirilən tələbə nümayişlərinin dağıdılmasına Milli Qvardiyanın üzvlərinin cəlb edilməsinin mümkünlüyünü açıqlayıb.
“Kolumbiya Universiteti son bir neçə saat ərzində nəzarətdən çıxdı. Düşünürəm ki, onlar [tələbələr] kampus binasını ələ keçiriblər, bu binanı zəbt edirlər… O, təhlükəlidir və dayandırılmalıdır. Ona görə də biz universitetə müraciət edirik. Polis bununla məşğul ola bilməzsə, Milli Qvardiyaya ehtiyacımız olacaq” dedi. Consonun çıxışı C-SPAN tərəfindən yayımlanıb .
Bundan əvvəl “Semafor” portalı məlumat vermisdiki, Ağ Ev öz növbəsində etirazlar mövzusundan yayınmağa çalışır və müvafiq suallara cavab verməkdən yayınır. Xüsusilə, Amerika administrasiyası jurnalistlərin Milli Qvardiya üzvlərinin etirazların dağıdılmasında iştirak edib-etməməsi və tələbələrin iğtişaşlar törətdiyi universitetlərin rəhbərliyinin istefa verib-verməməsi ilə bağlı müzakirələrini şərh etməyib.
Beynəlxalq insan haqları təşkilatı Human Rights Watch universitet rəsmilərinin Fələstinə dəstək məqsədilə keçirilən tələbə nümayişlərinə reaksiyasının çox sərt olduğunu və iştirakçıları dinc etiraz hüququndan məhrum etdiyini bildirib.
(Tass)