NATO-ya üzv olan bir sıra ölkələr tezliklə Patriot hava hücumundan müdafiə sistemlərinin Ukraynaya təhvil verilməsi ilə bağlı qərarlarını açıqlaya bilərlər. Bu barədə NATO-nun baş katibi Yens Stoltenberq bildirib.
“Almaniya artıq əlavə Patriot sisteminin tədarükünü elan edib, görünür, digər müttəfiq ölkələr də oxşar tədarükləri yaxın günlərdə və ya ən azı tezliklə elan edəcəklər”, Stoltenberq Amerikanın PBS televiziyasına müsahibəsində bildirib.
Stoltenberq qeyd edib ki, alyans ölkələri hava hücumundan müdafiə sistemləri, tutucu raketlər və mərmilərin istehsalını sürətləndirmək üçün müdafiə sənayesi müəssisələri ilə işləyir. “Biz hava hücumundan müdafiə batareyaları və onlar üçün sursatların istehsalın üzərində işləyirik ki, onları mümkün qədər tez Ukraynaya çatdıraq”, o əlavə edib.
Aprelin 13-də Almaniya Müdafiə Nazirliyi Berlinin tezliklə Ukraynaya Bundesver ehtiyatlarından daha bir Patriot sistemi göndərəcəyini açıqladı. İndiyədək Kiyev hakimiyyəti Almaniyadan iki Patriot sistemi alıb. (Tass)
