Alyansın baş katibi Yens Stoltenberq alyansın müdafiə nazirlərinin əsasən vəziyyətə həsr olunmuş ilk iclasının yekunlarına dair mətbuat konfransında bildirib ki, İsrail artıq bir neçə NATO ölkəsindən “kəşfiyyat məlumatı və digər yardım növlərinin təmin edilməsi şəklində” dəstək alıb. Onun sözlərinə görə, NATO İsraildən mülki əhalinin tələfatının qarşısını almaq üçün mümkün olan hər şeyi edəcəyini gözləyir.
“NATO eyni vaxtda bir neçə çağırışa cavab verə bilər, NATO ölkələrinin Yaxın Şərqdəki vəziyyətə cavab vermək imkanları var. Artıq bir sıra NATO ölkələri İsrailə kəşfiyyat və digər yardım növləri ilə bağlı yardım göstərib”, – o deyib.
“İsrailin özünümüdafiə hüququ var”, Stoltenberq vurğulayıb. “İsrailin cavabı mütənasibdir, biz bunun mütənasib olmasını gözləyirik. Biz də gözləyirik ki, münaqişə davam etdikcə, İsrail günahsız mülki insanların itkisinin qarşısını almaq üçün əlindən gələni edəcək. Biz həmçinin İsrailə düşmən olan istənilən ölkə və təşkilatı buna cəhd etməməyə çağırırıq. “Biz görürük ki, Birləşmiş Ştatlar münaqişənin daha da gərginləşməsinin qarşısını almaq üçün münaqişə zonasında hərbi mövcudluğunu artırıb”. (Tass)