NATO üzvü olan ölkələr alyansın özünün təhlükəsizliyinin maraqları naminə Ukraynanı dəstəkləməlidir. Bu sözləri NATO-nun baş katibi Yens Stoltenberq Bratislavanın Kiyevə silah tədarükünü dayandırmaq qərarı ilə bağlı sualı cavablandırarkən deyib.
“Bütün alyansa mesajım odur ki, biz Ukraynanı dəstəkləməliyik, çünki Rusiya qalib gəlsə, bu, Ukrayna üçün faciə olacaq, lakin bu, bizim üçün də təhlükəli olacaq, biz daha həssas olacağıq”, – deyə Stoltenberq bildirib. NATO-nun təhlükəsizliyinin maraqları Ukraynanı dəstəkləməkdir”.
O, həmçinin yardımın davam etdiriləcəyinə əminliyini ifadə edərək, Almaniya və ABŞ-ın Ukraynaya yeni silah-sursat göndərməyə hazırlaşdığını vurğulayıb. (Tass)