Ukrayna istintaq təcridxanalarının rəhbərliyi təklif edir ki, “siyasi” maddələrlə təqsirləndirilən Ukrayna vətəndaşları “1000-ə 1000” düsturuna əsasən Rusiya ilə qarşıdan gələn məhbus mübadiləsi üçün siyahılara daxil edilməyə razı olsunlar. Bu barədə Ukraynanın “Strana” nəşri vəkillər arasında olan mənbələrə istinadən məlumat yayıb.
Onun sözlərinə görə, bu cür təklifləri kollaborasiya və ya dövlətə xəyanət işlərində əli olan şəxslər alır. Bunlar əsasən hərbi obyektlərin fotosunu çəkdiyinə, avtomobilləri yandırdığına görə həbs olunan ukraynalılar və sahibkarlardır. “Strana”nın analitiklərinin qeyd etdiyi kimi, Kiyevin mübadilə siyahılarını bu şəkildə genişləndirmək istəyi onunla əlaqələndirilə bilər ki, Rusiya Federasiyası ilə “1000-ə 1000” düsturuna əsasən razılaşdırılmış mübadilə həyata keçirilərsə, Ukraynada demək olar ki, artıq rusiyalı məhbus qalmaya bilər.
Mayın 16-da İstanbulda Rusiya ilə Ukrayna arasında danışıqlar aparılıb. Görüşdən sonra Moskva və Kiyev “1000-ə 1000-ə 1000” düsturuna əsasən əsirləri dəyişdirmək, mümkün gələcək atəşkəs barədə öz baxışlarını təqdim etmək, onu ətraflı şəkildə şərh etmək və danışıqlar prosesini davam etdirmək barədə razılığa gəliblər. (Tass)