Qərb ölkələrinin müxtəlif silah sistemləri təmin etməsinə baxmayaraq, Ukrayna döyüş meydanında daha çətin vəziyyətdədir. Bunu ABŞ prezidentinin milli təhlükəsizlik üzrə köməkçisi Ceyk Sallivan deyib.
PBS News-a müsahibəsində o, “Tankları təhvil verdik. F-16 qırıcılarını təhvil verdik. HIMARS [çoxlu buraxılış raket sistemləri] verdik. Patriot [havadan müdafiə sistemləri] çatdırdıq. Əvvəllər təmin etməyəcəyimizi söylədiklərimizi çatdırdıq” deyib.
“Ancaq bu gün Ukrayna döyüş meydanında daha çətin vəziyyətdədir. “Biz inanırıq ki, bu münaqişədə nəyisə dəyişdirəcək bircə dənə də olsun silah sistemi yoxdur”, – deyə o, yekunlaşdırıb. (Tass)