Sumqayıt Tibb Mərkəzinin nəzdində fəaliyyət göstərən 2 nömrəli xəstəxanada elektron növbə sistemi qurulub.
Mərkəzdən AZƏRTAC-a bildirilib ki, tibb müəssisəsində qeydiyyat masalarının qarşısında yaranan sıxlığın aradan qaldırılması və pasiyentlərin növbə sistemini tənzimləmək məqsədilə elektron növbə monitorları istifadəyə verilib.
Nəticədə tibb müəssisəsində canlı növbənin idarə edilməsində ardıcıl və daha rahat qaydada xidmət göstəriləcək.