Böyük Britaniyanın baş naziri Rişi Sunak israilli həmkarı Benyamin Netanyahu ilə radikal Fələstinin HƏMAS hərəkatı tərəfindən saxlanılan girovların azad edilməsi üçün aparılan danışıqların gedişatını müzakirə edib. Bu barədə Böyük Britaniya baş nazirinin dəftərxanasının iki lider arasında telefon danışığından sonra yaydığı bəyanatda deyilir.
“Onlar davam edən girov danışıqlarını müzakirə ediblər və baş nazir Sunak girovların ailələri ilə həmrəy olduğunu, həmçinin danışıqların onların mümkün qədər tez evə qayıtmasına imkan yaradacağına ümid etdiyini bildirib”. Baş nazir İsrailin Qəzza zolağına humanitar yardımın həcmini artırmağa hazır olmasını alqışlayıb”.
Sunak, həmçinin quru yolu da daxil olmaqla, bu tədarükləri asanlaşdırmaq üçün təcili tədbirlərin görülməsinin vacibliyini vurğulayıb. London buna nail olmaq üçün “dərhal humanitar fasilə elan edilməsində” israr etməkdə davam edir. (Tass)
