Suriya Müdafiə Nazirliyi terrorçuların ölkənin mərkəzi hissəsindəki eyniadlı əyalətin inzibati mərkəzi olan Homsdan təqribən 67 km cənub-şərqdə yerləşən Əl-Qaryateyn şəhərinə daxil olması ilə bağlı məlumatları təkzib edib. Bu barədə departamentin “Facebook” səhifəsində dərc olunmuş məlumatda deyilir.
“Bəzi KİV-lərin terrorçuların Homsun cənub-şərqindəki Əl-Qaryateynə daxil olması ilə bağlı xəbərləri reallığa uyğun gəlmir”, mətndə deyilir. Müdafiə Nazirliyi Silahlı Qüvvələrin bölmələrinin “tam döyüşə hazır vəziyyətdə öz mövqelərində olduğunu” vurğulayıb.
Bundan əvvəl “Əl-Ərəbiyyə” telekanalı Suriya hökumət qüvvələrinə qarşı çıxan silahlı qüvvələrin Homs şəhərinin şimal kənarına çatdığını bildirib. Onun sözlərinə görə, şəhərə yaxınlaşmalarda terrorçu qrupların yaraqlıları ilə Suriya ordusunun bölmələri arasında toqquşmalar davam edir. O cümlədən, telekanalın məlumatına görə, şəhərin şimal-qərb kənarında yerləşən Homsdakı hərbi məktəb yaxınlığında döyüşlər gedir. (Tass)