Suriya Müdafiə Nazirliyi Ərəb Respublikası silahlı qüvvələrinin bölmələrinin ölkənin mərkəzi hissəsində yerləşən Homs şəhəri və onun ətraflarından çıxarılması ilə bağlı məlumatı təkzib edib. Açıqlamaya görə, onlar istənilən terror aktına qarşı durmağa hazırdırlar.
“Bəzi KİV-lərin və terror təşkilatları ilə əlaqəli mənbələrin silahlı qüvvələrimizin hər hansı bölməsinin Homs şəhəri və onun ətrafından çıxarılması ilə bağlı yaydığı məlumatlar reallığa uyğun gəlmir”, – Facebook sosial şəbəkəsində dərc olunan mətndə deyilir. Müdafiə Nazirliyi Silahlı Qüvvələrin “istənilən terror hücumunu dəf etməyə hazır olduğunu” vurğulayıb. (Tass )