Suriya prezidenti Bəşər Əsədin leykoz diaqnozu qoyulan həyat yoldaşı Esma Əsədin vəfat etdiyi iddia edilib. Xəbərin sosial mediada yayılmasından sonra Əsədin lideri olduğu Baas Partiyası iddiaları təkzib edib.
Tasnif News-un məlumatına görə, 48 yaşlı Esma Əsədin vəfat etdiyi xəbərini ilk olaraq Suriya müxalifətinin “Şam Plus” xəbər saytı açıqlayıb. Daha sonra Əsədin ölüm xəbəri sosial şəbəkələrdə sürətlə yayılmağa başlayıb. Tasnim-in Dəməşq müxbiri bildirib ki, ölüm iddiası heç bir rəsmi mənbə tərəfindən təsdiqlənməyib.