İraqın İslami Müqavimət Hərəkatına aid silahlı şiə birləşmələri Suriyadakı bazalarda yerləşən Amerika qüvvələrinin istifadə etdiyi Harrab əl-Cəirdəki hərbi aerodromu raket atəşinə tutub.
Shafaq News xəbər portalının məlumatına görə , zərbə İraq ərazisindən Mosul şəhərinin şimal-qərbindəki Həməd Ağa bölgəsindən (Bağdaddan 400 km aralıda) endirilib. Onun sözlərinə görə, aerodromda bir neçə güclü partlayış səsi eşidilib və qalın tüstü sütunu səmaya qalxıb.
Əvvəllər bu hərbi obyektə kamikadze pilotsuz uçan aparat tərəfindən hücum edilib;
Şiə silahlılarının Suriyadakı Amerika bazalarına qarşı hücumları ötən ilin oktyabrında İsrail hərbçilərinin Qəzza zolağının işğalından sonra başlayıb. ABŞ-ın Suriyadakı hərbi obyektləri İslam Dövləti qruplaşmasının terrorçularına qarşı Suriya ordusunun tərəfində döyüşən İranın dəstəklədiyi silahlı birləşmələrin 99 hücumuna məruz qalıb. (Tass)
