“İraqın İslam Müqaviməti” şiə hərəkatının silahlı birləşmələri Suriyanın Həsəkə əyalətinin cənubundakı Əl-Şəddadidəki ABŞ hərbi bazasına raket zərbələri endirib.
Al-Mayadeen telekanalının verdiyi məlumata görə , Əl-Cəbsə neft yatağı yaxınlığında yerləşən hərbi obyektə çoxsaylı reaktiv yaylım atəşi açılıb. Tələfat və maddi dağıntılar barədə hələlik məlumat yoxdur.
Suriyanın şimal-şərqindəki Rumeylan və Əl-Malikiyadakı ABŞ hərbi bazaları da raket hücumlarına məruz qalıb.
Bundan əvvəl Suriyanın Deyr əz-Zor əyalətindəki Əl Ömər neft yatağının ərazisində Amerika hərbçilərinin Yaşıl kənd düşərgəsi istiqamətində şiə döyüşçüləri tərəfindən pilotsuz uçuş aparatı buraxılıb. Telekanalın məlumatına görə, Amerikanın hərbi obyektində güclü partlayış səsi eşidilib. (Tass)
