Avropa İttifaqı may ayında Ukraynada üzv ölkələrin xarici işlər nazirlərinin qeyri-rəsmi görüşünü keçirməyi planlaşdırır. Bu barədə Lüksemburqda Avropa İttifaqı ölkələrindən olan həmkarları ilə görüşdən sonra Macarıstan Xarici İşlər Nazirliyinin rəhbəri Peter Szijarto bildirib.
“May ayında Ukraynada Avropa İttifaqının xarici işlər nazirlərinin qeyri-rəsmi görüşü planlaşdırılır”, – o, M1 telekanalı tərəfindən yayımlanan macar jurnalistlərlə söhbətində deyib. Szijarto Brüsselin Ukrayna münaqişəsinin davam etdirilməsinə yönəlmiş digər təşəbbüslərinə uyğun gələn bu addımdan narahatlığını ifadə edib.