Macarıstan Macarıstanın maraqlarına zərər verə biləcək məhdudlaşdırıcı enerji tədbirlərinin Aİ-nin Rusiyaya qarşı sanksiyalarının 16-cı paketinə daxil edilməsinə icazə verməyəcək. Bunu Brüsseldə Avropa İttifaqı ölkələrinin xarici işlər nazirlərinin görüşündə iştirak edən Macarıstanın xarici işlər və xarici iqtisadi əlaqələr naziri Peter Siyarto deyib.
O bildirib ki, hazırda Aİ Şurasına sədrlik edən Polşa enerji sektoruna təsir edə biləcək yeni sanksiyalar paketinin qəbulunu təklif edib. “Biz Macarıstanın strateji maraqlarına zidd olan heç bir sanksiyaya icazə verməyəcəyik. Bu gün biz dedik ki, hamı enerji sanksiyalarını unutmalıdır”, – Siyarto Brüsseldə Macarıstan jurnalistləri ilə M1 telekanalı tərəfindən yayımlanan söhbətdə qeyd edib.
Nazir vurğulayıb ki, “Rusiya təchizatı olmadan Macarıstan özünü enerji resursları ilə etibarlı şəkildə təmin edə bilməyəcək”. O, hələ də qazının əsas hissəsini “Türk axını” boru kəməri ilə, neftini isə “Drujba” kəməri ilə alır. (Tass)