İsrail Daxili Cəbhəsi Təşkilatının göstərişi ilə Təl-Əvivdə 240 bomba sığınacağı açılıb, ictimai tədbirlər ləğv edilib və çimərliklər bağlanıb. Bu barədə TASS-a şəhər merinin müşaviri İlana Mixaeli məlumat verib.
“Şəhərdə 240 bomba sığınacağı açılıb, çimərliklər və mədəniyyət müəssisələri bağlanıb, ictimai tədbirlər ləğv edilib, lazım gələrsə, yeraltı dayanacaqlardan bomba sığınacağı kimi istifadə etmək proqramı var”.
Mixaelinin sözlərinə görə, “meriya istənilən vaxt şəhərin bütün sakinlərinə və qonaqlarına yardım göstərməyə hazırdır”. Təl-Əviv meri Ron Huldai “müvafiq xidmətlərin nümayəndələri ilə birlikdə” şəhərin təcili yardım mərkəzindədir. “Təl-Əviv fövqəladə vəziyyətə hazırdır” deyib və əlavə edib ki, şəhər hakimiyyəti sakinlərdən və onun ziyarətçilərindən “sayıq olmağı və İsrail Daxili Cəbhəsi Təşkilatının göstərişlərinə əməl etməyi” xahiş edir. (Tass)