İsrailin paytaxtı Təl-Əvivdə toplaşan minlərlə insan baş nazir Benyamin Netanyahunun istefasını və erkən seçkilərin keçirilməsini tələb edərək nümayiş keçirib.
Nümayişçilər əllərində “Xain və oğru Netanyahu həbsə getməlidir” və “Netanyahu, həyatımızdan get” yazılan pankartlar qaldıraraq, “İndi seçki” kimi şüarlar səsləndiriblər.
Nümayişin keçirildiyi Həbimə meydanında quraşdırılan nəhəng ekranda “İndi yeganə ümidimiz seçkilərdir” mesajı görünüb.
Qəzzəyə edilən hücumlara qarşı olmadıqlarını deyən nümayişçilər Netanyahunu 7 oktyabrdan sonrakı prosesi “uğurla” həyata keçirməməkdə günahlandırıblar.
Nümayişçilərdən Sara Abraham Netanyahu hökumətini İsraildə “demokratiyanı məhv etməkdə” ittiham edib və erkən seçki istədiklərini qeyd edib.
Abraham deyib ki, oktyabrın 7-də baş verənlər Netanyahu hökumətinin xalqa və təhlükəsizliyə əhəmiyyət verməkdənsə, diqqətini özlərinə və onların korrupsiyasına yönəltdiyini ortaya qoyub. (TRT Haber)