Azərbaycan hökuməti COP 29-u fəal şəkildə dəstəkləyir və onun təşkilinə əhəmiyyətli vəsait ayırır.
Bunu “Report”a açıqlamasında COP29-un Təşkilat komitəsinin üzvü, Qadın, İnkişaf, Gələcək İctimi Birliyinin sədri Gülşən Axundova bildirib.
O bildirib ki, Birliyin ekspertləri bu ilin noyabrında Bakıda keçiriləcək iqlim dəyişikliyi konfransının nəticələrinə təsir edə biləcək müxtəlif amillərin öyrənilməsini PESTEL (PESTEL bir iş mühitinin analizi üçün geniş şəkildə istifadə olunan bir strategiyadır) vasitəsilə təhlil edib.
Komitə üzvü bildirib ki, təhlil zamanı qeyd edilib ki, Azərbaycan inkişaf etmiş demokratiyaya malik sabit dövlətdir. Bu, COP 29 üçün əlverişli şərait yaradır.
“Azərbaycan hökuməti COP29-u fəal şəkildə dəstəkləyir və onun təşkilinə əhəmiyyətli vəsait ayırır. Azərbaycan Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının (UNFCCC) və Paris Sazişinin iştirakçısıdır. Bu, onun iqlim dəyişikliyi ilə mübarizəyə sadiqliyini nümayiş etdirir. Azərbaycan dinamik inkişaf edən iqtisadiyyata malik olan bir dövlətdir. Bu, COP 29 üçün kifayət qədər maliyyə resurslarını təmin edir. Ölkədə müasir hava limanları, yollar və mehmanxanalar da daxil olmaqla inkişaf etmiş infrastruktur var. Bu, COP 29-un təşkilini və icrasını asanlaşdırır”, – deyə təhlildə qeyd edilib.
G.Axundovanın sözlərinə görə, təhlildə Azərbaycan xarici investisiyalar üçün cəlbedici ölkədir. “Bu, COP 29-un təşkili və keçirilməsinə investisiya cəlb etməyə kömək edə biləcəyi vurğulanıb:
“Azərbaycanda iqlim dəyişikliyinin əhəmiyyəti barədə məlumatlılıq artır. Bu, COP 29 üçün əlverişli ictimai mühit yaradır. Ölkədə COP 29-un effektivliyini artırmağa kömək edə biləcək fəal vətəndaşlıq mövcuddur”.
Təhlildə vurğulanıb ki, Azərbaycanda informasiya texnologiyaları fəal şəkildə inkişaf edir. Bu, COP 29-un təşkili və icrasının səmərəliliyini artırmağa kömək edə bilər.
Ekspertlər hesab edib ki, Azərbaycan bərpa olunan enerji mənbələrindən istifadəyə sadiqdir. Bu, COP 29-un ətraf mühitə mənfi təsirini azaltmağa kömək edə bilər.
“Azərbaycanda ətraf mühitin mühafizəsi məsələlərinə böyük diqqət yetirilir. Bu, COP 29-un ətraf mühitə mənfi təsirini azaltmağa kömək edə bilər. Eyni zamanda davamlı inkişaf prinsiplərinə sadiqdir. Bu, iqlim dəyişikliyi məsələlərinin ölkənin digər fəaliyyət sahələrinə inteqrasiyasını asanlaşdıra bilər. Azərbaycan ekologiya və iqlim sahəsində qanunvericiliyin təkmilləşdirilməsi istiqamətində fəal iş aparır. COP 29 mövcud qaydaları müzakirə etmək və təkmilləşdirmək imkanı verəcək”.
Təhlil zamanı əldə olunan son nəticə də açıqlanıb:
“PESTEL təhlili göstərir ki, ümumilikdə, siyasi, iqtisadi, sosial, texnoloji, ekoloji və hüquqi amillər COP 29-un Bakıda keçirilməsinə üstünlük verir. Bununla belə, nəzərə almaq lazımdır ki, iqlim dəyişikliyi kimi bəzi amillər COP 29 üçün risklər yarada bilər. COP 29-un Bakıda keçirilməsi tədbirin planlaşdırılması və həyata keçirilməsi zamanı nəzərə alınmalı olan bir sıra risklər yaradır. Əsas risklərə siyasi təxribatlar və etirazlar üçün təhlükəsizliyiyə ciddi nəzarət olunmalıdır. COP 29 bir sıra yoluxucu xəstəliklərin yayılmasına səbəb ola bilər. Hadisənin sanitar-epidemioloji təhlükəsizliyini təmin etmək üçün tədbirlər görmək lazımdır. COP 29-un tətbiqi ətraf mühitə mənfi təsir göstərə bilər. Ekoloji riskləri minimuma endirmək üçün tədbirlər hazırlamaq və həyata keçirmək lazımdır.Prezident İlham Əliyevin göstərişlərinə əsaslanaraq COP 29 Azərbaycanda ən yüksək səviyyədə icra olunacaqdır”.