Qazaxıstan prezidenti Kasım-Jomart Tokayev Düşənbədə iki günlük səfərdədir.
“/TASS/. Tacikistan və Qazaxıstan arasında münasibətlərin əsasını etimad və açıq əlaqələr təşkil edir”.- Bunu Tacikistan Prezidenti Emoməli Rəhmon Düşənbəyə dövlət səfərinə gələn Qazaxıstan prezidenti Kasım-Jomart Tokayevlə dar tərkibdə ikitərəfli görüşün yekunları üzrə deyib.
Rəhmon Tokayevə təməlində açıq, etibarlı və səmimi əlaqələr olan Tacikistan-Qazaxıstan münasibətlərinin hərtərəfli möhkəmləndirilməsinə göstərdiyi şəxsi diqqətə görə minnətdarlığını bildirib. O qeyd edib ki, Tacikistan Qazaxıstan prezidentinin Düşənbəyə dövlət səfərinə fövqəladə əhəmiyyət verir:
“Biz indicə dar formatda Tacikistan-Qazaxıstan münasibətlərinin aktual məsələlərini müzakirə etdik, lazımi razılıqlar əldə etdik, regional və beynəlxalq gündəliyin aktual məsələləri ilə bağlı fikir mübadiləsi apardıq”.
Tokayev avqustun 22-də Düşənbəyə iki günlük dövlət səfərinə gəlib. Bundan əvvəl o, 2021-ci ildə Düşənbəyə rəsmi səfər edib.