Tacikistan və Özbəkistan əvvəllər sərhədi keçməkdə çətinlik yaradan yük avtomobillərinin tranzit keçidinə icazələrin verilməsi prosedurunu ləğv etmək niyyətindədirlər. Bu barədə Tacikistan Nəqliyyat Nazirliyi məlumat yayıb.
İdarənin bəyanatında qeyd olunur ki, ötən həftə Özbəkistan Prezidenti Şavkat Mirziyoyevin Düşənbəyə səfəri zamanı razılıq əldə olunub və müvafiq protokolu Tacikistanın nəqliyyat nazirləri Azim İbroxim və Özbəkistanın nəqliyyat nazirləri İlxom Mahkamov imzalayıblar. Sənəd hər iki dövlət tərəfindən ratifikasiya edildikdən sonra qüvvəyə minəcək.
Nəqliyyat Nazirliyi qeyd edib ki, hər il iki ölkə üzrə 1,2 mindən çox tranzit daşıma həyata keçirilir və prosedurun sadələşdirilməsi çatdırılma vaxtını azaldacaq, yüklərin təhlükəsizliyini artıracaq və bu tədbir həm də Tacikistanın strateji məqsədlərinə cavab verir. (Tass)