“Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili bildirib.

“Məcəllənin qəbulunda məqsəd özəl sektor, ümumilikdə sahibkarlıq üçün daha yaxşı, əlverişli rəqabət mühiti yaradılması, inhisarçılıqla mübarizə, qeyri-bərabərliyin, bir çox hallarda ədalətsizliyin aradan qaldırılması ilə özəl sektorun daha çox inkişafına nail olmaqdır. Bildiyiniz kimi, qəbul olunmuş dövlət proqramlarında növbəti illərdə iqtisadi artımın əsas və müstəsna mənbəyi kimi özəl sektor göstərilir. Məcəllədə bu istiqamətdə həyata keçirilən tədbirlərin bir parçası kimi özəl sektora qarşı hər-hansı ayrı-seçkilik baş verərsə ona qarşı hüquqi mexanizmlərin yaradılması nəzərdə tutulur”, – deyə o qeyd edib.