Radikal Taliban hərəkatının yaratdığı Əfqanıstanın müvəqqəti hökumətindəki xarici işlər naziri Əmir Xan Möttəki Moskvaya gedib. Bu barədə Xarici İşlər Nazirliyinin mətbuat katibinin müavini Hafiz Ziya Əhməd məlumat verib.
Xarici İşlər Nazirliyinin nümayəndəsi “X” (keçmiş Twitter) sosial şəbəkəsindəki səhifəsində yazıb: “Bu gün xarici işlər naziri Əmir Xan Möttəkinin başçılıq etdiyi nümayəndə heyəti Rusiya Federasiyasının rəsmi dəvəti ilə Moskvaya gedib. Əfqanıstan üzrə məsləhətləşmələrin Moskva formatında iştirak edir.” .
Kabul News telekanalı xəbər verir ki, Möttəki iki gün Moskvada qalacaq, daha sonra Kazana gedəcək.
Moskva formatında görüş sentyabrın 29-da Kazanda keçiriləcək. Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, görüş zamanı Əfqanıstandakı vəziyyət, əfqandaxili barışıq, regional təhlükəsizliyin təmin edilməsi və ölkənin münaqişədən sonrakı bərpası məsələlərinin müzakirəsi planlaşdırılır. Onun sözlərinə görə, tədbirdən sonra tərəflərin birgə bəyanatının qəbul ediləcəyi gözlənilir. (Tass)