Milli Azərbaycan Tarixi Muzeyində “Zəhmət ilə gələn zinət. Dərsimiz – Hacı Zeynalabdin” adlı növbəti interaktiv və “Xarıbülbülün vətəni – Şuşa” adlı ingilis dilində ustad dərsləri təşkil olunub.
Bu barədə AZƏRTAC-a muzeydən məlumat verilib.
Hacı Zeynalabdin Tağıyevin ev-muzeyində keçirilən növbəti maarifləndirici dərslərdə “LANDAU School”un şagirdləri iştirak ediblər. İki hissədən ibarət olan dərslərin birinci hissəsində şagirdlərə məşhur xeyriyyəçi Hacı Zeynalabdin Tağıyevin həyat və fəaliyyətindən bəhs olunub. Sonra H.Z.Tağıyevin ev-muzeyinə ekskursiya edilib.
Dərsin ikinci hissəsində isə şagirdlər üçün intellektual oyunlar keçirilib.
