Omanın vasitəçiliyi ilə Maskatda İran və ABŞ nümayəndə heyətləri arasında dolayı danışıqlar başlayıb. Bu barədə İslam Respublikası Xarici İşlər Nazirliyinin rəsmi nümayəndəsi İsmail Baqai məlumat verib.
“İranın xarici işlər naziri Abbas Əraqçi ilə ABŞ prezidentinin xüsusi nümayəndəsi Stiven Vitkoff arasında dolayı danışıqlar Omanın xarici işlər naziri Bədr bin Həməd bin Hamud əl-Busaidinin vasitəçiliyi ilə başlayıb”, – o, X-də yazıb.
İran Xarici İşlər Nazirliyinin nümayəndəsinin aydınlaşdırdığı kimi, məsləhətləşmələr Oman tərəfinin seçdiyi binada keçirilir. O vurğulayıb ki, İran və ABŞ nümayəndə heyətləri müxtəlif otaqlardadırlar. (Tass)
Abbas Araqçi və Stiven Vitkoffun başçılıq etdiyi İran və ABŞ nümayəndə heyətləri arasında danışıqların birinci raundu şənbə günü Maskatda keçirilir. Görüşdən əvvəl Əraqçi qeyd edib ki, məsləhətləşmələr yalnız nüvə dosyesinə aid olacaq və danışıqlar davam etdikcə tərəflər digər məsələləri müzakirə etməyə başlayacaqlar.