Almaniya rəhbərliyi Rusiyanın aparıcı KİV-lərinin ölkədəki nümayəndəliklərinin işini tamamilə dayandırmaq barədə qeyri-rəsmi qərar qəbul edib.
Bu barədə TASS-da vəziyyətlə tanış olan mənbə məlumat verib.
“AFR rəhbərliyi Rusiyanın aparıcı kütləvi informasiya vasitələrinin ölkədəki fəaliyyətini tamamilə dayandırmaq barədə qeyri-rəsmi qərar qəbul edib. Səbəb isə rusiyalı jurnalistlərin fəaliyyətinin guya Almaniyanın təhlükəsizliyinə “birbaşa təhdid” yaratdığıdır”, – agentliyin mənbəsi bildirib. “Berlindən müvafiq direktivin mövcudluğunu Moskvadan gizlətmək, habelə Rusiyada fəaliyyət göstərən alman müxbirlərinə qarşı təxribat xarakterli hərəkətlərə yol verməmək üçün onları tədricən “qovmaq” məqsədəuyğun hesab edilib”, o əlavə edib.(Tass)